Daugendorfer Narrenmarsch

Des Debatat geit oifach nemme luck,

drom baut ma z´Daugadorf a Donabruck,

ma hot glei Bäum rausgrissa, mitsamt dr Wuz,

s´Gschick hot oin det scho bschissa, d´Weidäg send halt z´kuz,

ma hot glei Bäum rausgrissa, mitsamt dr Wuz,

s´Gschick hot oin det scho bschissa, d´Weidäg send halt z´kuz.

Ond weil dr Schultes jo dr Gscheidascht ist,

woiß er en Rot mit seiner Bauralist,

er loat die Blöck glei strecka mit Ross und Ma,

se ziehat zom Verrecka s´wächst em halt nix na,

er loat die Blöck glei strecka mit Ross und Ma,

se ziehat zom Verrecka s´wächst em halt nix na.

Ond seither müssat älle Groß und Klei,

em ganza Örtle halt Blockstrecker sei,

des isch koi große Bürde, des druckt itt schwer,

ma trait des voller Würde, gar no mit ra Ehr.

des isch koi große Bürde, des druckt itt schwer,

ma trait des voller Würde, gar no mit ra Ehr.

Tautschbuchhexa mitm Besa,

treibat ihra fürchtigs Wesa,

Tautschbuchhexa mitm Besa,

treibat ihra fürchtigs Wesa,

juckat as ob´s Mäusle beißt,

dass oim schiergar s´Gmächt verreißt.

Tautschbuchhexa mitm Besa treibat ihra fürchtigs Wesa.

Daugadorfer Buaba, hand froha Mut,

Daugadorfer Mädla send rondrom gut,

on dem ganza Örtle lauter brave Leut,

i wisst also gar itt, ob´s abbas bessers geit.